Nirvana

An Nirvana iyo an sarong konsepto sa mga relihiyon na Indyano (Budhismo, Hinduismo, Jainismo, asin Sikhismo) na nagrerepresentar sa ultimadong kamugtakan kan soteryolohikal na pagbuhi, liberasyon gikan sa duḥkha and saṃsāra. Sa mga relihiyon na Indyano, an nirvana kasingkahulogan kan moksha asin mukti. Gabos na mga relihiyon na Indyano inasigurar iyan na magin kamugtakan kan perpektong quietude, katalingkasan, pinakahalangkaw na kaugmahan siring man an liberasyon sa pagkakatakod asin kinabanon na pagdusa asin an katapusan kan samsara, an bilog na eksistensya. Alagad, an mga tradisyon na Buddhist asin bakong-Budhist naglaladawan kan mga terminong ini para sa katalingkasan na iba man. Sa Hindung pilosopiya, an pagkasararo o an pakarealisar kun siisay si Atman kaiba si Brahman, depende sa tradisyon na Hindu. Sa Jainismo, an nirvana man an soteryolohikal na katuyohan, na nagrerepresentar sa pagpaluwas nin kalag sa karmikong kaoripnan asin samsara. Sa kontekstong Budhista, an nirvana nanonongod sa pakarealisar kan bakong sadiri asin emptiness, na tanda kan katapusan nin pagkamundag liwat sa paagi kan pagpadanay pa giraray kan mga kalayo na nagpapadanay kan proseso nin pagkamundag liwat.